Навіны

Напярэдадні Дня будаўніка - ушанаванне лепшых!

У Палацы культуры "Касцюкоўка" адбылося ўрачыстае мерапрыемства, прысвечанае Дню будаўніка. У гэты дзень асаблівыя словы падзякі і прызнання прагучалі ў адрас работнікаў ААТ "Гомельшкло", чыя праца, прафесіяналізм і адданасць справе ўносяць важкі ўклад у развіццё прадпрыемства і галіны ў цэлым.

За высокія дасягненні, добрасумленную працу і актыўны ўдзел у жыцці калектыва супрацоўнікі былі адзначаны ганаровымі граматамі і падзякамі. Некаторыя з іх удастоены асаблівага гонару — іх імёны занесены на Дошку гонару прадпрыемства.

Гэта не проста ўзнагарода - гэта знак павагі, прызнання і натхнення для ўсіх, хто штодня працуе на карысць агульнай справы. Няхай гэтыя заслужаныя ўзнагароды стануць стымулам да новых здзяйсненняў і падставай для гонару!

Са святам, шклоробы! Няхай ваша праца заўсёды будзе запатрабавана, а поспех — пастаянным спадарожнікам!